18 მაისს პროექტის შემაჯამებელი ღონისძიება გაიმართა
დღეს, 18 მაისს, "ზიანის შემცირების საქართველოს ქსელმა“, „წიგნის სახლში ბახტრიონზე“, პროექტის – „ზიანის შემცირების მიდგომების ინტეგრაციის ხელშეწყობა პენიტენციური დაწესებულებებსა და პრობაციის პროგრამაში“, შემაჯამებელ ღონისძიება გამართა.
პენიტენციურ დაწესებულებებში, ადამიანის უფლებათა დაცვის გაძლიერებისთვის, იუსტიციის სამინისტროს საგრანტო პროექტი „ზიანის შემცირების საქართველოს ქსელსა“ და პენიტენციური სამსახურის მსჯავრდებულთა რესოციალიზაცია-რეაბილიტაციისა და სამედიცინო დეპარტამენტებს შორის თანამშრომლობის დანერგვასა და განვითარებას ითვალისწინებდა.
შეხვედრაზე, ზიანის შემცირების საქართველოს ქსელის დირექტორმა, კახა კვაშილავამ, წარადგინა პროექტის შედეგების პრეზენტაცია. შეხვედრის ბოლოს კი, მოეწყო პროექტის ფარგლებში ხელსაქმის სასწავლო კურსის ფარგლებში ქალების მეიერ შექმნილი ნივთების გამოფენა.
შეხვედრას ესწრებოდნენ, ქსელის წევრი ორგანიზაციების, იუსტიციის სამინისტროს, პენიტენციური სამსახურის და პრობაციის ბიუროს წარმომადგენლები.
